Продажбата на стан е значаен процес кој бара внимателна подготовка за да привлечат сериозни купувачи и да се постигне најдобрата цена. Уредниот и привечен изглед на имотот, како и комплетна и правилно подготвената документација, се од суштинско значење во процесот. Исто така е важно како и каде ќе се објави станот за продажба. Во овој текст, ќе ги разгледаме сите чекори потребни за успешна продажба – од уредување и подготовка на станот, преку избор на соодветни канали за огласување, до можноста за ангажирање професионална агенција за недвижности.
1. Прегледајте ги и подгответе ги потребните документи
Првиот и најважен чекор е да ја подготвите потребната документација. Недостаток или грешка во документите може да предизвика одложувања или да ја одврати довербата на потенцијалните купувачи. Проверете дали ги имате следните документи:
- Имотен лист (Уверение од катастарот за сопственост).
- Градежна дозвола (доколку станот е во новоградба).
- Договор за купопродажба или подарок (кој ја докажува вашата сопственост).
- Енергетски сертификат, ако е потребен.
- Извод од книги на родени и венчани, ако станот е во заедничка сопственост.
- Поведување оставинска постапка: Ако станот се води на име на починат родител или друг член на семејството, мора да се поднесе барање за оставинска постапка кај надлежен орган за да се регулира сопственоста пред продажбата.
Совет: Ако имате правни дилеми, консултирајте адвокат или агенција за недвижности за преглед на документите.
2. Подгответе го станот за продажба
Првиот впечаток игра голема улога кога се покажува недвижност. Со мали, но значајни подобрувања, можете да ја зголемите вредноста на вашиот стан.
Чистење и деклатеринг*
*Деклатеринг – Процес на отстранување на непотребните предмети од домот за да изгледа уредно, пространо и подготвено за продажба.
- Детално исчистете го станот, ослободете се од нередот и направете го просторот визуелно поголем.
- Отстранете лични предмети за купувачите да можат да се замислат себеси во просторот.
Мали поправки
- Поправете оштетени ѕидови, врати или прозорци.
- Освежете го просторот со нов слој боја во неутрални тонови.
- Заменете ги изгорените сијалици или оштетените светилки.
Инвестиции кои прават разлика
- Реновирајте ја кујната или бањата, ако се во лоша состојба.
- Додајте декорации како нови завеси или теписи за да го направите просторот попривлечен.
- Размислете за поставување огледала за да внесете повеќе светлина и просторност.
3. Одредете реална цена
Цената е клучен фактор што влијае на продажбата. Анализирајте ги цените на слични станови во вашето соседство. Ако не сте сигурни, ангажирајте лиценциран проценител на недвижности за да добиете објективна проценка. Следниот сајт може да ви биде од голема помош да ја одредите цената на вашипт стан.
4. Каде и како да го огласите станот
Онлајн огласување
- Користете популарни онлјан огласници како Reklama5, Pazar3.
- Објавете/Оглсете го станот на специјализирано пларформи за недвижности. На пример LEVEL недвижности ви нуди опција за бесплатно огласување.
- Објавете јасни и квалитетни фотографии, а ако е можно, додајте и видео-турнеја.
- Напишете привлечен опис кој ги истакнува најважните карактеристики на станот (локација, квадратура, карактеристики, реновирање итн).
Социјални медиуми
- Користете Facebook групи за локално огласување а објавете и на личните профили
- Споделете го огласот на Instagram и други мрежи, со акцент на визуелниот аспект.
Традиционални методи
- Ставете табла/лист „СЕ ПРОДАВА“ на видливо место (на влезот од зградата, околината, соседните згради, како и на прозорец од станот ако е на понизок спрат).
- Користете локални весници или радио огласи за дополнителен досег.
5. Ангажирање агенција за недвижности
Доколку немате време или искуство за продажба, ангажирањето на агенција за недвижности е одличен избор. Агенцијата ќе се погрижи за:
- Подготвување професионални огласи.
- Фотографирање и снимање
- Организирање на посетеи за купувачи.
- Преговарање за цена (доколку тоа вие го побарате).
- Помош со документацијата.
- Составување на преддоговор
- Изберете агенција со добра репутација и проверете ги условите за провизија (обично 2% од продажната цена).
Заклучок
Успешната продажба на стан зависи од внимателна подготовка, правилен маркетинг и соработка со професионалци. Со следење на овие чекори, ќе си ги зголемите шансите за брза и поволна продажба на вашиот имот. Ако имате дополнителни прашања или ви треба помош, слободно контактирајте ја нашата агенција за недвижности!